* الشاب الوجيه المريخي القُح حافظ محمد احمد سل سيفه اقصد قلمه وهاك يا هجوم علي التحكبم والحكام وتحريش جماهير المريخ ضد قليلة الحكام وكل ما يصبح صباح ويتعثر الزعبم بفعل نجومه يتحول حافظ سبب النقيط الحكم صبري الحيطه القصيره !!
* يا ولدنا حافظ نعاين في الفيل وتطعن اتصل !!
* ،ابداً ابداً لا الومك زول في كل مايخطه يراعه ضمنيا وشكراً شغال تحريش اللاعبين ضد مدربهم البرازيلي الذي لم يترك الفرصه للعقرب ووصي بمعاقبة نمر والتش ما عارف شنو وشنو وشنو !!
* مادام بتعرف ده كله يا حافظ مضيعين مال المريخ الما عارف كوعه من بوعه ما تمسك قيادة الجهاز الفني وتريح جيوب ابو جبين من صرف الدولارات في مدرب كيسه فاااضي !!!
* المريخ في القضارف فاز بشق الانفس حافظ قال جماهير القضارف فرقوها بالبنان والحكم خرج بعد حصار .!!
* ولدنا حافظ لو عاوز تصبح ناقد صاح مثل المراحيم عمر عبدالتام وحسن عز الدين واحمد محمد الحسن ركز في الكوره سوف موقع الحكم وين عندما احتسب ركلة الجزاء ولو بعيد أو قريب لكن حكاية حكم متحيز ما حبابا !!!
* لو تظن يا حافظ المريخ مريخك لوحدك فقد ظلمت المريخ ونفسك لأن الملايين تعشق المريخ حتي النخاع وانت نقطة في محيط المريخ الما ليه حدود ولا عدد !!
* يا حارس يمينك ::
قالوا اقلعت طائرة من مطار الخرطوم وعلي متنها مائة وكم شاب وشابه برئاسة الشيخ الظاهرة شيخ الامين علي التذاكر والاقامة والاكل وتذاكر المونديال علي حساب الشيخ وبركات الشيخ لحقت اسود الاطلس ولولاه ما كانت الاسود عبرت بعدما سمع الحارس صدي صوت الشيخ يمينك وصد الركلة الرابعة يا ساريا الجبل !!!
