# اصبحت الحكايه زي بعضها تلعب في بلد غيرك او في بلدك كلو واحد ما يفرق !!
#الفلاح يلعب في اتبرا محل القطر بيقوم او في بورتسودان ساحل الشرق المقفول النمره بيرجع بيها شفتو كيف ؟؟
# قلنا الكتوف اتلاحقت لا نيمار نفع الكروات عملوها في الجدعان طيروهم من الكاس يلا بلا امه شفتوا كيف كتوف زغرب طيرت البرازيل !!
# الطواحين اوشكت ان تطحن اخوان ميسي بعد ميه وعشرين دقيقه وركلات ترجيحيه الهولنديون كاد ايقاف قلوب الأرجنتيني !!
# شايفين كيف تلاحق الكتوف .!!؟؟
# في الممتاز هلال فاشر السلطان اوشك ان يعملها في الزعيم تقول لي شنو وانت منو !؟
# تاني البلد ما فيها كبير البرازيل فازت بالكاس خمس مرات واولاد شوكر ولا مره !!
# غايتو يا نيمار قونك في كأس عالم قطر هو اخر هدف وآخر كوره ليك في كاس العالم !!
# معقوله تاني بعد اربعه سنين تاني ميسي ونيمار يجوز رحم حواء اللاتينيه عقم جف من انجاب نوع بيليه وسقراط وماردونا يا دكتور حواء مرضها شنو !؟
# التش رجع لكن الشفناه تش ربع مكنه يكون الزول الاصابه عملت ليه طشاش في كُراعه الشمال !!
@>>> يا حافظ حيرتنا أظن النضاره عامله ليك طشاش مرات ورقة ريكاردو وتارة الحكم صبري هو السبب والعقرب عنده مشاكل مع الغرايري الغرايري طار وسلم مشاكل بكري البرازيلي ما كلمتني الحكم صبري طرد صلاح نمر كابتن الزعيم لشنو غايتو ياحافظ تقرير صبري السمعنا بيه اقل حاجه تلاته سنين لا يلعبها ولا حتي يتفرج فيها ! زمان بروف شداد قال اصابة المرحوم ولاء الدين حدثت بتوصيات من المدرب طيب نمر بيعرف يتكلم برازيلي !!؟
