اعلن السباح السوداني الاولمبي عبد العزيز احمد المشهور ب ( عزو) اعتزاله للسباحة بعد مسيرة حافلة بالعطاء وقد اعلن عزو اعتزاله عبر رسالة مؤثرة على صفحته بالفيسبوك جاء فيها
( قبل ٩ سنوات من اليوم بديت مشوار السباحة مع فريق الكشافة البحرية . البعد داك بقا هو والكشافة اسرة وبيت
٩ سنوات كنت موفق فيها شديد بفضل الله تعالي .
٩. سنين وكسبت فيها حب الناس اكتر من اي ميدالية او لقب .
من سنة ٢٠١٥ بديت المشاركات الدولية وتمثيل السودان .
بديت بي بطولة دبي الدولية ٢٠١٥ .
بطولة العالم للسباحة روسيا (كازان ) ٢٠١٥
كأس العالم للسباحة دبي ٢٠١٥
اولمبياد ريو دي جانيرو البرازيل ٢٠١٦ .
كأس مصر للسباحة في ٢٠١٧
البطولة الافريقية زون فايف ٢٠١٧
كأس العالم للسباحة قطر ٢٠١٨
كاس العالم للسباحة قطر ٢٠١٩
وكتير من البطولات الصغيرة والمهرجانات .
في فترة بسيطة من لا شي . قدرت بي توفيق من الله اشارك في اولمبياد واكون من بين ٤ ابطال فقط في تاريخ السودان 🇸🇩 مثلو السودان في السباحة في الاولمبياد .
فخور جدا اني اكون واحد من اللعيبة الاولمبيين . الاولمبياد حلم كل رياضي في العالم .
اليوم بعد ٩ سنوات قررت اعتزل السباحة والمشاركات وانا في ال25 من عمري .
ليس من عدم قدرتي لاكن الحياة مراحل . وفي اهتمامات اخري في حياتي .
٩ سنوات كفاية جدا وهو العمر كلو كم ؟!!.
في فترة ٩ سنين دي في ناس كتيرة شجعتني ووقفت جنبي .
شكرا لي اي زول وقف جنبي وقدم لي اي نوم دعم ).
يذكر أن السباح عبد العزيز مقيم الآن في دولة قطر حيث يعمل هناك
